پاکستان کی تاریخ میں پہلی بار معروف جج کی عدالت میں گرفتاری

آزاد کشمیر کی سپریم کورٹ نے منشیات کیس میں عدالتی حکم کی خلاف ورزی اور مس کنڈکٹ پر سیشن جج راجا امتیاز احمد کو تین دن قید کی سزا سناتے ہوئے کمرہ عدالت سے گرفتار کر لیا۔

راجا امتیاز پر الزام تھا کہ انہوں نے ہائی کورٹ اور سپریم کورٹ کی جانب سے ضمانت کی درخواست مسترد ہونے کے باوجود ملزم کو بری کر دیا، حالانکہ مقدمہ زیر سماعت تھا اور سپریم کورٹ کے واضح احکامات موجود تھے۔ عدالت میں پوچھنے پر انہوں نے فیصلے سے انکار کیا، مگر ریکارڈ سے ان کا حکم نامہ برآمد ہو گیا۔

عدالت نے اسے توہین عدالت اور عدالتی وقار کی خلاف ورزی قرار دیتے ہوئے سزا سنائی، جس کے بعد راجا امتیاز کو عدالت سے گرفتار کر کے جیل بھیج دیا گیا۔