وقوعے کے دن کیا ہوا؟ مقتولہ ٹک ٹاکر ثنا یوسف کے پڑوسی نے پوری داستان سنا دی

اسلام آباد (ویب ڈیسک) معروف ٹک ٹاکر ثناء یوسف کو گھر میں گھسنے والے شخص نے قتل کردیا تھا اور اب مقتولہ کے پڑوسی عمیس نامی نوجوان کا مؤقف بھی سامنے آگیا۔
’’کیپیٹل ٹی وی‘‘ سے گفتگو کرتے ہوئے عمیس  نے بتایاکہ ساڑھے پانچ بجے چیخنے چلانے کی آوازیں آئیں،میں اور پڑوسی انکل چھت پر تھے، ہمیں گھریلو لڑائی لگی،  ہر گھر میں ہلکی پھلکی لڑائی چلتی رہتی ہے،پھر آوازیں رک گئیں، 2 فائر کی آوازیں آئیں لیکن وہ اس قدرمدھم تھیں کہ ہمیں ایسے لگا جیسے پٹاخے چلے ہوں۔
ان کا کہنا تھاکہ ہمیں ایسے کسی واقعے کا حساس تک نہیں ہوا، قتل کا تو سوچ بھی نہیں سکتے تھے، پھر پولیس کی گاڑی آئی ، مغرب کے وقت کافی نفری آگئی تھی ، پھر سب کو پتہ چل گیا کہ یہاں قتل ہوگیا، اس سے پہلے محلے میں سب کچھ پرسکون تھے۔
ایک سوال کے جواب میں انہوں نے تصدیق کی کہ اس فیملی کو اس مکان میں شفٹ ہوئے تین چار ماہ ہوئے ہیں،  ایک آدھ دفعہ نوجوان لڑکے ہی گھر میں دیکھے لیکن بڑی عمر کا شخص کبھی نہیں دیکھا، جیسے والد ہوں، پارک میں واک کرتے بھی ان لوگوں کو نچلے پورشن میں مقیم فیملی کے ساتھ دیکھا گیا ہے ۔
رپورٹ کے مطابق جی 13میں مقیم اس فیملی کو اہل محلہ نے بھی اکثر مردوں کے بغیر دیکھا ہے، ٹک ٹاک سٹار بھی ہفتے میں 2سے 3 دن بعد ہی باہر نکلتی تھی ۔