عمران خان کی رہائی پکی ، خوشخبری حکومت راضی ہوگئی

اسلام آباد(نیوز ڈیسک) قومی اسمبلی میں اپوزیشن لیڈر کی تقرری کے معاملے پر حکومت اور پاکستان تحریکِ انصاف کے درمیان اتفاقِ رائے ہو گیا ہے۔ اس پیش رفت کی تصدیق چیئرمین پی ٹی آئی بیرسٹر گوہر نے کی ہے۔

بیرسٹر گوہر کے مطابق اپوزیشن لیڈر کی نشست سات اگست سے خالی تھی، جس کا باضابطہ اعلان آج اسپیکر قومی اسمبلی نے ایوان میں کر دیا۔ انہوں نے بتایا کہ اپوزیشن لیڈر کی تقرری کے لیے اسپیکر قومی اسمبلی کے ساتھ طریقۂ کار بھی طے پا گیا ہے اور پی ٹی آئی آج ہی اس سلسلے میں درکار دستاویزات جمع کرا دے گی۔ چیئرمین پی ٹی آئی نے کہا کہ محمود خان اچکزئی کو قومی اسمبلی میں اپوزیشن لیڈر مقرر کرنے کا فیصلہ کیا گیا ہے۔ ان کے مطابق محمود خان اچکزئی کی بطور اپوزیشن لیڈر تقرری کا باضابطہ نوٹیفکیشن جمعرات تک جاری ہونے کا امکان ہے۔ بیرسٹر گوہر کا کہنا تھا کہ اپوزیشن لیڈر کی تقرری کا عمل آئین اور پارلیمانی ضابطۂ کار کے مطابق مکمل کیا جا رہا ہے۔