تہران میں تیل کی بارش، دھویں سے دن رات میں بدل گیا
ایران کے دارالحکومت تہران میں اسرائیلی حملوں کے بعد آسمان پر سیاہ دھوئیں کے گھنے بادل چھا گئے اور کئی علاقوں میں بارش کے ساتھ تیل آلود قطرے گرنے کی اطلاعات سامنے آئی ہیں۔ حکام نے شہریوں کو خبردار کیا ہے کہ وہ صحت کے خطرات کے پیش نظر گھروں کے اندر رہیں۔
اتوار کی صبح تہران کے مختلف علاقوں میں لوگوں نے بتایا کہ شہر کے اوپر آسمان گہرے دھوئیں سے ڈھکا ہوا تھا اور فضا میں جلتے ہوئے ایندھن کی بو پھیل رہی تھی۔
کئی شہریوں کا کہنا تھا کہ سورج نکلنے کے باوجود ماحول غیر معمولی طور پر تاریک دکھائی دے رہا تھا۔ بعض لوگوں نے شکایت کی کہ بارش کے قطرے سیاہ بادلوں سے گر رہے تھے جن میں تیل کی آمیزش محسوس ہو رہی تھی۔
Tehran at sunrise today
— RT (@RT_com) March 8, 2026
The sun hidden behind a sky thick with smoke after a night of intense strikes https://t.co/fJj0EQ3KZG pic.twitter.com/Pl0ImD2Jc2
یہ صورتحال اس وقت پیدا ہوئی جب ہفتے کی رات اسرائیل کی جانب سے تہران کے قریب تیل کی تنصیبات کو نشانہ بنایا گیا۔
ایرانی خبر رساں ادارے ’فارس‘ کے مطابق حملوں میں چار آئل ڈپوز اور ایک تیل منتقلی مرکز کو نشانہ بنایا گیا۔ ان حملوں کے نتیجے میں چار افراد ہلاک ہوئے جن میں دو آئل ٹینکر ڈرائیور بھی شامل تھے۔
