اہم پی ٹی آئی رہنما پر قاتلانہ حملہ، ناک اور جبڑا فریکچر، اسپتال منتقل

لندن (نیوز ڈیسک) پاکستان تحریک انصاف (پی ٹی آئی) کے رہنما اور سابق مشیر احتساب بیرسٹر شہزاد اکبر پر برطانیہ میں قاتلانہ حملہ کیا گیا ہے۔

پی ٹی آئی کے آفیشل ایکس ہینڈل پر  جاری بیان میں کہا گیا ہے کہ بیرسٹر شہزاد اکبر کے گھر پر ان پر قاتلانہ حملہ کیا گیا۔ یہ حملہ ان کے کیمبرج میں واقع گھر پر کیا گیا۔ ایک 25 سے 30 سال کے  حملہ آور نے مسلسل ان کے چہرے پر مکے مارے جس سے ان کی ناک اور جبڑا فریکچر ہو گئے ۔ انہیں ہسپتال منتقل کر دیا گیا ہے مقامی پولیس نے تمام تفصیلات حاصل کر لی ہیں اور تفشیش جاری ہے-