پیٹرول اور ڈیزل کے بعد مٹی کے تیل کی قیمت میں بھی بڑی کمی، عوام کو مزید ریلیف

وفاقی حکومت نے پیٹرولیم مصنوعات کی قیمتوں میں کمی کا سلسلہ جاری رکھتے ہوئے مٹی کے تیل کی قیمت میں بھی نمایاں کمی کر دی ہے۔ جاری کردہ نوٹیفکیشن کے مطابق مٹی کے تیل کی فی لیٹر قیمت میں 48 روپے 29 پیسے کی کمی کی گئی ہے۔

قیمت میں کمی کے بعد مٹی کا تیل اب 233 روپے 90 پیسے فی لیٹر کے حساب سے دستیاب ہوگا۔ حکومت کا کہنا ہے کہ عالمی منڈی میں قیمتوں میں تبدیلی کے پیشِ نظر عوام کو زیادہ سے زیادہ ریلیف فراہم کرنے کے لیے یہ فیصلہ کیا گیا ہے۔

مٹی کے تیل کی قیمت میں اس نمایاں کمی سے خصوصاً ان علاقوں کے صارفین کو فائدہ پہنچنے کی توقع ہے جہاں اب بھی گھریلو اور دیگر ضروریات کے لیے مٹی کا تیل استعمال کیا جاتا ہے۔ ⛽📉